Viðsnúningur í ferðalögum stjörnumerkjanna

Nautið hefur oftast verið í efri kantinum en aldrei unnið

Jómfrúin hefur heldur betur tekið sig á

Þá er komið að hinni vísindalegu úttekt á stjörnumerkjum ferðalanga VIMA árið 2009 og hefur þar heldur betur orðið breyting miðað við síðustu ár. Til tíðinda telst að
jómfrúin sem hefur löngum verið treg til ferðalaga er nú ásamt nautinu í fyrsta/öðru sæti.
Í fyrra voru fjölmennastir bogmenn, krabbar og tvíburar.

Niðurstaðan nú er þessi og tekið fram í leiðinni að ég tel sjálfa mig aðeins einu sinni

1.-2 Jómfrú og naut
3.-4 vog og vatnsberi
5. hrútur
6.bogmaður
7. steingeit
8.-9 fiskur og tvíburi
10.-11 krabbi og ljón
12.sporðdreki

Alls voru farnar fimm ferðir
Tvær til Írans= 48 manns
Ein til Jemen= 25
Ein til Marokkó= 28
Ein til Egypta-
lands 29

Vænti þess að mönnum þyki þetta hinar athyglisverðustu niðurstöður og sigurvegurum óskað til hamingju og aðrir hvattir til dáða.

Vil taka fram að ég sendi Líbanons/Sýrlandsförum greiðsluplan milli jóla og nýárs og skulu menn athuga það og vinsamlegast greiða á hárréttum tíma. Annars lendi ég í vanda.

Sendi svo öllum VIMAfélögum, ferðafélögum sem öðrum, stuðningsmönnum krakkanna okkar í Jemen óskir um góð og gleðileg jól og óska öllum hagsældar og friðar á nýju ári.

Kveðjur frá YERO börnum - samband fljótlega við Egyptófólk

Nouria sendi mér og okkur þetta kort með kveðju frá börnunum og fjölskyldum þeirra til allra en einkum og sér í lagi þeirra sem hafa stutt og styðja við bakið á börnunum. Þið ýtið með músinni á myndina til að sjá textann.

Þá er vert að geta þess þrátt fyrir allt jólavafstur að menn ættu að fylgjast með hvenær fundir verða: annars vegar myndakvöld Egyptalandsfaranna og hins vegar fundur með væntanlegum Sýrlands/Líbanonshópi.

Vel á minnst: Þakka Margréti Halldórsd Íranfara kærlega fyrir diskana sem hún skutlaði hér inn um lúguna í dag. Væri ákaflega vel þegið ef Óskar myndasnillingur úr sömu ferð nennti að gera handa mér disk við hentugleika.

Nú skilst mér að fólk tali sig saman um Jemenferð, Íranferð og jafnvel nokkrir sem hafa áhuga á Kákasus. Sú ferð kemur vissulega til greina ef menn safna sér saman en ég legg þó til að farið yrði aðeins til Georgíu ef af yrði. Það er rjómi þessa svæðis. Ferð til Azerbajdan og Armeníu líka yrði sömuleiðis rokfokdýr. ´Gæti ímyndað mér að tiltölulega hóflegt verð fengist á Georgíuferð.

Þið látið heyra frá ykkur

Mig vantar enn- hvernig stendur nú á því? En er Maher fundinn.........

Gæskurnar allar
Var að koma heim og vona náttúrlega að allir hafi saknað mín þótt þess gæti ekki á síðunni, næsta fáir hafa farið þangað meðan ég var í burtu. Hafa væntanlegir Sýrlands/Líbanonsfarar örugglega borgað staðfestingargjald. Vinsamlegast ef ekki þá snarlegast.
Einnig vantar nokkur vegabréfsnúmer, hvernig stendur á því??

EN
Í fyrsta lagi: Maher er fundinn. Hann rekur ásamt sinni amrísku frú pínulítið flotteríis hótel í Damaskus, þetta eru kölluð boutique hótel, eru rokdýr og aðeins fyrir 6-8 manns.

Í öðru lagi: Skutlaði mér á viku yfir til Jórdaníu, Sýrlands og Líbanons og sat svona álíka marga merkisfundi og matarboð. Hitti þar af tilviljun H
æþam sem var gæd fyrsta og annars hópsins okkar og hann bað fyrir kveðjur. Hann hefur sett á stofn eigin ferðaskrifstofu og er í samvinnu við náungann okkar í Sýrlandi.
Ræddi lengi og hressilega við ferðaskrifstofukallana, Soheil í Líbanon og Abedelkarim í Sýrlandi og þeir voru glaðir og hlakka til komu okkar.

Mun hafa samband fljótlega við Sýrlands/Líbanonshópinn sem er alveg stútfullur og ég þori ekki að bæta fleiri við þótt ég fegin vildi. Verð í báðum þessum löndum hefur hækkað því þar er kreppa líka þótt við höfum ekki teljandi áhuga á öðru en okkar kreppu enda kannski nóg að eiga við hana.

Bara þetta núna.
Gaman að heyra í Marjöttu Ísberg. Hún hvetur til að fólk safni sér saman í hópa. Gott mál það.

Mér finnst það gleðiefni--

Líbanskir smáréttir- hvergi betri

að Líbanon/Sýrlandsferðin er fullskipuð, alskipuð og umfram allt vel skipuð.
Svo virðist sem allmargir þurfi nýtt vegabréf og bið þá lengstra orða að senda mér númer og útgáfudag þegar það er klappað og klárt. Einnig bið ég menn borga staðfestingargjald ekki síðar en 5.des og vísa í bréf sem ég sendi öllum ferðafélögum
því ég er að ganga frá flugmiðum og verð að klára það áður en ég skrepp til Líbanons og Sýrlands með stuttri viðkomu í Jórdaníu n.k mánudagsmorgun.

Við munum efna til fundar snemma í janúar og fara rækilega yfir ferðina og menn fá þá væntanlega áætlanir.Einnig verður þá lögð fram greiðsluáætlun. MUNA AÐ FERÐIN ER 21.mars-3.apr 2010. Það er ákveðið.

Þá er hér orðsending til Egyptalandsfaranna á dögunum. Við efnum í myndakvöld fljótlega eftir áramót. Geri því skóna að það sé ofætlan að halda slíkan fund með almennilegri þátttöku fyrir jólin.

Loks eitt enn og ekki síst: Nokkrir en ekki margir sem styðja Jemenbörn hafa enn ekki borgað krónu og aðrir virðast hafa gleymt að borga seinni greiðslur. Vil síður telja upp nöfn en geri ráð fyrir að þetta sé athugunarleysi. Bið ykkur vinsamlegast sem í hlut eigið að ganga frá þessum málum eða láta vita. Þetta er einstaklega óþægileg staða sem ég er sett í með þessu.

Á stjórnarfundi VIMA í vikunni kom í ljós að efni í næsta Fréttabréf sem kemur um miðjan janúar virðist allt á góðu róli og vona að menn skili sínu til Dominik fyrir 15.des eins og umsamið var. Janúarfundur var einnig ræddur, líklega 30.jan. Mjög spennandi efni verður þar vonandi tekið til umfjöllunar.

Þá vorum við sammála um að það væri freistandi að setja saman litla bók um ferðirnar sem VIMA félagar hafa farið í. Frásagnir, viðtöl, ferðasögur, myndir og margt fleira. Jafnvel stjörnumerki og einkunnagjöf! Allt er það svosem á umræðustigi.

Margir sem hafa heitið mér myndum á diskum hafa ekki sent mér þá. Ég er doltið hnuggin yfir því og vonast til að þeir skili sér og finnst leiðinlegt að þurfa að hamra á því.

AÐ LOKUM þetta: Það er áhugi á Íranferð- gjarnan dálítið öðruvísi enda landið stórt. Ég mun ekki blanda mér í það en get tekið niður nöfn ef menn vilja.

Sama máli gegnir um Jemenferð. Það verður að vera að ykkar frumkvæði. Eins og þessi mars/apr ferð.

Fullskipað í Líbanon/Sýrland í mars/apríl

Fáni Líbanons
Það er ánægjulegt að segja frá því að fullskipað er í ferðina sem ákveðin var fyrir beiðni félaga til Líbanon og Sýrlands í mars/apríl. Dagsetningar eru ekki fullfrágengnar en ég hef samband við þátttakendur um leið og það skýrist.


Fáni Sýrlands

Mér finnst mjög ánægjulegt að geta aftur tekið Líbanon inn og verður lögð áhersla á norðurhluta landsins, farið upp í sedarskóginn, heimsótt safn Gibrans spekings og listmálara ofl. Í Sýrlandi verður einnig farið til Palmyra og Crak de Chevaliers og Malulah og Damaskus skoðuð í krók og kring.

Er verulega kát yfir þessu og finnst hópurinn spennandi blanda. Slatti af glænýju fólki og svo öðrum sem hafa farið í margar ferðir með VIMA.

Bendi á að ekki eru fleiri ferðir á dagskrá, fyrr en í haust að ég tek að mér mjög áþekka ferð fyrir Bændaferðir. Þeir sem ekki komast með núna þurfa því ekki að vera of hnuggnir.

Ég vona að Íranfarar hafi fengið hópmyndina. Það var eitthvert maus í tölvunni sem ég réði ekki við. Því gæti verið að sumir hafi fengið hana mörgum sinnum og aðrir ekki. Bið ykkur um að láta mig vita ef hún barst ekki.

Októbermynd við keisarahöll

Myndina tók Pezhman Azizi

Frá vinstri fremsta röð: Kristín Vilhjálmsdóttir, Helen Teitsson, Hrefna Jóhannsdóttir, JK, Óskar Ægir Benediktsson

Efri röð f.v. Agla Egilsdóttir, Tryggvi Ásmundsson, Margrét Á. Halldórsdóttir, Margrét Friðbergsdóttir, Höskuldur Jónsson, Guðlaug Sveinbjarnardóttir, Kristín Einarsdóttir, Haukur Backmann, Kristín Thorlacius, Ingvar Teitsson, Valur Guðmundsson, Kristín E. Daníelsdóttir, Bjarni Sigfússon, Guðrún Magnúsdóttir, Anna Torfadóttir, Hrafnhildur Jónsdóttir, Ingigerður Jónsdóttir, Jón Halldórsson, Bergþór Halldórsson, Kristín Möller, Kristján Ragnarsson.

Sendi öllum ferðafélögunum myndina fljótlega

Lista og lystaglaðir Íranfarar hittust í hádeginu

Ferðafélagar úr Íranferð 1.-14.okt hittust núna í hádeginu. Við borðuðum saman og skoðuðum listagóðar myndir. Ingvar Teitsson sýndi myndir á tjaldi, framúrskarandi góðar og Kristín Vilhjálmsdóttir frumsýndi fjöruga heimildamynd sína um kaup hópsins á fljúgandi teppum. Hvorttveggja fékk mjög góðar undirtektir.

Einnig voru Guðlaug og Höskuldur með myndir, Bjarni og Guðrún og sjálfsagt fleiri.

Við skáluðum náttúrlega fyrir ferðinni og til lífs og til gleði. Einnig fyrir Óskari sem gat ekki komið en sendi öllum í hópnum einstaklega skemmtilega gjöf.
Þá færðu Margrét og Bergþór mér gjöf með myndum úr hinum ýmsu ferðalögum þeirra með VIMA.


Þetta var góð og ljúf stund og menn skröfuðu og rifjuðu upp ferðina af stakri ánægju.

Hef sent Pezhman beiðni um að imeila mér hópmyndina sem hann tók og vonast til að hún berist innan tíðar.

Þá vil ég geta þess að þegar mars/apríl fólk í Líbanon/Sýrland hafa allir staðfest sig, síðasti frestur 25. nóv. mun ég senda þeim nákvæma ferðaáætlun. Bíð eftir svari frá nokkrum en augljóst að ferðin verður farin, insjallah.

Hef fengið svör frá köllunum mínum í Damaskus og Beirut og mun ganga frá málum við þá þegar ég fer út 7.des. Þeir eru mjög glaðir að geta átt von á tveimur hópum á næsta ári, VIMA hópi í mars og Bændaferðarhópi( sem er undir minni fararstjórn og skipulagningu).

Þakka enn og aftur Íranförum góða stund fyrr í dag.